Стихотворения Симеона Полоцкого

СИМЕОН ПОЛОЦКИЙ. СТИХОТВОРЕНИЯ
Милость господская
У господ милость трудно есть стяжати,
Труднее того вину ону знати,–
Ибо вскоре та ся изменяет
И множицею в гнев ее прилагает.
Богатых обычай
Богатым есть обычай щедро раздаяти
Сребро тым, иже ведят кощунства деяти,
И на суеты мира. А где подобает
В пользу нуждную дати, богач скуп бывает.
Купецтво
Чин купецкий без греха едва может быти,
На многи бо я злобы враг обыче льстити;
Изряднее лакомство в купцех пребывает,
Еже в многие грехи оны убеждает.
Во-первых, всякий купец усердно желает,
Малоценно да купит, драго да продает.
Вторый грех в купцех часто есть лживое слово,
Еже ближнего в вещех прельстит и готово.
Третий есть клятва во лжу, а та умноженна,
Паче песка на брезе морстем положенна.
Четвертый грех татьбою излише бывает,
Таже в мире в мерилех часто ся свершает,–
Ибо они купуют во меру велику,
А внегда продаяти ставят не толику.
Инии аще меру и праву имеют,
Но неправу мернти вся вещы умеют.
Инии хитростию вещы отягчают,
Мочаще я, неции худые мешают…
Пятый есть грех: неции лихоимства деют,
Егда цену большити за время умеют…
Шестый грех, егда куплю являют благую,
Потом лестно ставляют иву вещь худую.
Седьмой грех, яко порок вещы скрывают,
Вещь худую за добру купующим дают.
Осьмый – яко темные места устрояют,
Да худыми куплями ближние прельщают,
Да во темности порок купли не узрится,
И тако давый сребро в купли да прельстится.