Борьба с крымско-турецкой агрессией и казанскими феодалами

БОРЬБА С КРЫМСКО-ТУРЕЦКОЙ АГРЕССИЕЙ
И КАЗАНСКИМИ ФЕОДАЛАМИ
1507. Воеводы же великого князя [Василия Ивановича] быша в Воротынске, и прииде к ним весть, что татарове многие люди имав на украйне много полону и прочь пошли. Воеводы же… поидоша за ними на Поле в погоню, и угониша их на Оке и… многих татар побита, а иных живых поимаша и полон весь назад возвратиша, и гоняли их до речки до Рыбници, месяца августа в 9, в понеделник. И которых татар поймали на бою, и они сказали, что приходили на украйну Крымские татарове Зяньсеит Мурза Янкуватов сын с товарищи. А к великому князю пригонил от воевод с тою вестью Гридя Афанасьев августа 14.
1537. …Учали вести приходити… что събирается Казаньский царь Сафа-Кирей с многыми людми с Казаньцы и с иными ордами, с Крымцы и с Ногаи, а помышляет итъти на Костромъскые места и на Галичскые. И князь великий и мати его великаа княгини, слышав то, послали воевод своих в Володимерь и в Мещеру. Царь же Казаньский уведав, что на Костроме и в Галиче великого князя стоят многие люди… якоже змий вынырну из хврастиа , тако и сей из леса прииде безвестно генваря 15, в понеделник, под Муром и, пришед, посады пожег и к городу приступати начат. И великого князя воеводы не даша ему приступати, ис пушек и из пищалей из града биша их много, и воеводы, вылазя из града , такожде многих побили… Царь же Казаньскый слышав, что въеводы великого князя из Володимера и из Мещеры йдуть к Мурому… пошел въскоре от Мурома в Казань; и поплениша многых христиан грех ради наших…
1541. О приходе Крымского царя Саип-Гирея на Русскую землю к Оке реке на берег… И в то время прибежали к великому князю ис Крыма два полоняника, Якимко Иванов… с товарыщом, а сказали… царь… нача наряжатися на Русь и с своим сыном царевичем с Мен-Гиреем, и всю Орду с собою поведе, а остави в Орде стара да мала; да с царем же князь Семен Белской и многих орд люди, Турского царя , и с пушками и с пищалми, да из Нагай Бакий-князь с многими людми, да Кафинцы, и Азтороканцы, и Азовцы, и Белогородцы; идеть на Русь с великою похвалою, хотя потребити крестьанство… И князь велики по тем вестем послал в Путимль к наместнику своему к Федору Плещееву к Очину, а велел ему послати станицу на Поле поперег дороге. И Федор послал Гаврила Толмача, и Гаврило приехал с Поля, сказал великому князю, что наехал на Поле сакмы великие : шли многие люди к Руси, тысячь со сто и боле. И князь велики по тем вестем… велел… всем воеводам своим из Коломны выйти, а стати с всеми людми у Оки-реки по берегу… А царевича Шигалея Шибанского да боярина своего князя Юрья Михайловича Булгакова князь велики отпустил с Москвы, а с ними послал двора своего многих людей, а велел царевичю и князю Юрью стояти на Похре; а в Володимерь послал к боярину своему и воеводе ко князю Ивану Васильевичю Шуйскому с товарыщи, велел им стояти в Володимере; а в Мещеру послал к царю к Шигалею , чтобы со князми и с мурзами и со всеми людми пошол в Володимерь же; и с Костромы воеводе своему князю Федору Ивановичу Шуйскому с товарыщи велел итти к Володимерю со всеми людми с царем сниматися . Июля, приехал к великому князю с Поля станичник Алексей Кутуков, сказал… что видел на сей стороне Дону… многых людей, шли черезо весь день полки, а конца им не дождался. И с тою вестью послал князь велики на берег ко князю Дмитрею Федоровичю Белскому с товарыщи, а велел розослать по воевод на Рязань и на Угру и в Серпухов и по всей украйне, чтобы часа того с ним сымалися. Июля в 28 пришол царь к городу Осетру, и татарове многие к городу приступали, а Назар Глебов з горожаны о посадех с татары бился да татар многих побили; а девяти татаринов живых поймал и к великому князю послал. И те татарове сказали великому князю, что пришол сам Крымской царь Саип-Гирей, а с ним сын его царевичь Мен-Гирей и вся Крымская орда, да князь Семен Белской, да из Нагай Бакий-князь с многими людми, да Турского царя люди, и с пушками и с пищалми и иных орд и земель и многие прибылные люди…
(На совещании великого князя с митрополитом и боярами решено было готовить Москву к обороне от нашествия Саип-Гирея.– Ред.) И князь велики… призва к собе приказщикы городцкие и велел запасы градские запасати, пушки и пищали по местом ставити, и по воротам и по стрелницам и по стенам люди росписати, и у посада по улицам надолобы делати. Людие же градцкие с великим хотением начаша прилежно делати, а меж собя завещаша за святые церкви и за государя великого князя и за свои домы крепко стояти и головы своя класти. К великому же князю вестницы ускоряют, что царь тары готовит, хочет лести за реку … Князь же великый вскоре посылает ко князю Дмитрею Федоровичю Белскому и ко всем воеводам диака своего Ивана Федорова сына Курицина, чтобы за православное христианьство крепко пострадали, а розни бы межь ими не было, послужили бы… все заодин… чтобы… царь рекѵ не перелез… Царь же Саип-Гирей прииде к Оке-реке на берег июля в 30, в субботу, на третьем часу дни, и ста на горе на высоце месте, татарове же многие приидоша на берег и с тары, а хотеша лести за реку. Воеводы же великого князя поспешиша против царя, а наперед прииде на берег передовым полком князь Иван Ивановичъ Туронтай Пронской да князь Василий Охлабинин и начата с татары стрелятися. Татарове же, видевше передовой полк, и чаали, что все люди, пришли напрасно на берег многими людми и в реку побрели и на тары почали садитися, а передовой полк учали стреляти многыми стрелами, и полетеша стрелы, аки дождь. Царь же [Саип-Гирей] повеле ис пушек бити и ис пищалей стреляти, а велел отбивати людей от берега, а захотеша за реку лести. И узре же царь: идут болшие полки да и правая рука и левая ; и начат царь зрети и дивитися, что идут люди многие, учредив полки красно , а люди цветны и доспешны … И прииде великий страх на него, часа того от берега побеже… Воеводы же великого князя, видевше, что царь побеже от берега… за царем послали Илью Левина с товарищи… [и] воевод князя Семена Ивановича Микулинского да князя Василья Семеновича Оболенского Серебряного, а с ними многих людей, выбрав изо всех полков, дворовых и городовых… Царь же Саип-Гирей прииде к Прони августа в 3, а сам стал за рекою за Пронею, близко города , а войску велел приступати ко граду с пушками и с пищалми и градобитными наряды . А во граде в те поры великого князя воевода не с многыми людми Василей Жулебин… а другой Александр Кобаков… Татарове же приступиша всеми полкы к городу, ис пушек и ис пищалей начата по городу бити, а стрелы их, аки дождь, полетеша. И к стенам града приближишася, з града же против начата пушки и пищали на татар пущати : а которые татарове к стене приступиша, и тех з города кольем и камением отбиша. Татарове же через весь день ко граду приступаша, а гражаны бишася; и многих татар ис пушек и ис пищалей з города побища. Князи же и мурзы, приезжаа к городу, Василью [Жулебину] говорят, чтобы город здал, а царь им милость покажет; а не взявши царю города, прочь не ити. Василий же отвеща: «…А пождал бы царь мало великого князя воевод, а великого князя воеводы за ним идут». Татарове же отступиша в станы своя; царь же велел всем людям турьг делати и градобнтные приступы пасти , а хочет всеми людми со все стороны к городу приступати. Василий же и Александр всеми людми и женским полом город крепити и на город велел колье, и камение, и воду носити. И в то время приехали от воевод… дети боярские Андрей Васильев сын Овцын да Иван Семенов сын Нащекин Ветреного с товарыщи, семь человек, с вестью, чтобы сидели в городе крепко, «а мы идем к городу наспех со многими людми и хотим с царем дело делати , сколко нам бог поможет». И бысть во граде радость велиа… И сторожы царевы сказали, что тех людей и сами видели… И царь приступ отложил, а туры и наряд велел пожечь, а сам пошел прочь от города… И воеводы за царем пошли часа того, пришли к Дону, а царь уже Дон перевезся…
1571. Приходил к Москве Крымской царь Девлет-Кирей, и мая в 24 день… татарове посад зажгли. И божиим гневом, грех ради наших, Москва згорела вся: город и в городе государев двор и все дворы, и посады все, и за Москвою; и людей погорело многое множество, имже не бе числа; и всякое богатество и все добро погоре. И церкви каменые от жару росседалися, и люди в каменых церквах и в каменых погребех горели и задихалися, едва где кто божиим сохранением от смерти избыл. Митрополит же Кирил со освященным собором в те поры просидели в церкве Пречистые Богородицы в соборной. А князь Иван Дмитреевич Белской на своем дворе в каменом погребе, задохнувся, умер. Инех же княгинь и боярынь и всяких людей хто может исчести, сколко погоре и, задохнувся, померло. И Москва-река мертвых не пронесла: нароком оставлены были спроваживати рекою на них мертвыя; а хоронити некому; а у которых оставалися приятели, тех хоронили. А во государевых полатах, в Грановитай и в Проходной и в Набережная и в ыных полатах прутье железное толстое, что кладено крепости для на свяски, перегорели и переломалися от жару. А царь Крымской в те поры отшол в Коломенское да, смотря гнева Господня, дивился и пошол в Крым; а к Москве не попусти ему Господь приступати… А сам царь и великий князь Иван Васильевичь с опричниною в те поры шол из Серпухова в Бронниче село в Коломенском уезде, а из Броннича села мимо Москву в Слободу, а к Москве не пошол; а из Слободы пошел в Ярославль и дошел до Ростова, и тут пришла весть, что Крымский царь пошел прочь, и царь и великий князь воротился к Москве.